La IA nes aules amenorga nun 70% el tiempu de detección d'un problema emocional

Educación va anovar l'alcuerdu col Colexu de Psicoloxía

La Conseyería d'Educación prepara la renovación pal añu 2025 del alcuerdu col Colexu de Psicoloxía que dexó formar en bienestar emocional a cuasi 3.300 families y docentes.

La conseyera d'Educación, Lydia Espina, asina lo avanzó esti sábadu n'Uviéu na apertura de la VII Xornada de Psicoloxía Educativa, entamada pol Colexu Oficial de Psicoloxía del Principáu d'Asturies (COPPA).

L'alcuerdu afita'l desenvolvimientu de dos actuaciones d'acompañamientu y formación empobinaes al alumnáu de Secundaria, Bachilleratu y Formación Profesional; al profesoráu y a les families.