Los emplegaos de l'alministración xeneral reciben formación sobre los Puntos Violeta

Puntu seguru d'atención, sofitu y acompañamientu a les víctimes de violencia machista

La Delegación del Gobiernu n'Asturies dio formación sobre los Puntos Violeta a los emplegaos públicos de los distintos organismos de l'Alministración Xeneral del Estáu na comunidá dientro de les actividaes entamaes por mor del Día Internacional de la Eliminación de la Violencia escontra les Muyeres.

Esta ferramienta, promovida pol Ministeriu d'Igualdá, fai que los organismos que se xunten seyan un “puntu seguru d'atención, sofitu y acompañamientu" a les víctimes de violencia machista.

La formación foi impartida pola xefa de la Unidá de coordinación escontra la violencia sobre la muyer de la Delegación del Gobiernu, Teresa Domínguez; el xefe de la UFAM de la Comisaría d'Uviéu de la Policía Nacional, José Luis García; y la guardia civil Raquel Álvarez, especialista del EMUME de la comandancia d'Asturies.