Uviéu aprueba les nueves ordenances fiscales pa 2025, con una xubida del 80% en basura

Apuesta pola capitalidá cultural europea y nuevos equipamientos deportivos

El plenu del Ayuntamientu d'Uviéu aprobó esti martes de forma definitiva les ordenances fiscales pa 2025 qu'afiten una xubida del IBI del 0,4 al 0,58 por cientu, del 80% na tasa de basura y la medría de los precios públicos que lleguen al 65%, asina como una xubida del 3,71 por cientu na tarifa del taxi pal añu viniente.

La conceyala d'Economía, Leticia González, señaló que les nueves ordenances van dexar al consistoriu cuntar col meyor presupuestu pa siguir ufiertando servicios públicos de calidá, que lleven a Uviéu a afitase como "capital económica, social y llaboral".

L'apuesta pola capitalidá cultural europea y los nuevos equipamientos deportivos, dixo la edil del PP, apaecen na fueya de ruta de los gobernantes del Ayuntamientu d'Uviéu.