Payares, el más calorosu rexistráu n'Asturies nos últimos 63 años

Les temperatures máximes algamáronse'l día 24 y sobrepasaron los 27 graos en Colunga y Llanes

El payares pasáu foi’l más calorosu rexistráu n’Asturies nos últimos 63 años al algamar una temperatura media de 12,2 graos centígraos, 3,1 penriba del promediu afitáu pa esi mes, según los datos de la delegación territorial de l’Axencia Estatal de Meteoroloxía (AemetT).

Pero según l’avance climatolóxocu mensual de l’AEMET, el mes pasáu nun foi namás estraordinariamente calorosu, sinón que tamién foi mui secu porque los 809,3 llitros per metru cuadráu que se recoyeron asítiense un 53 por cientu per baxo de los 170,8 que de media s’algamen n’Asturies en payares.

Con estes precipitaciones, el mes pasáu asitióse como l’undécimu más secu del periodu 1961-2024, mientres que l’añu hidrolóxicu en cursu (ochobre y payares) tien hasta agora calter secu, con 226,2 llitros de media, un 24 por cientu menos de lo normal.

Esta situación prodúxose pola presencia d’un potente anticiclón asitiáu nel centru d’Europa y otru con centru nel entornu de Les Azores que derivó nuna estabilidá atmosférica con vientos de componente sur y altos valores d’insolación.

Les temperatures tuvieron penriba de lo normal pa payares y namás hubo un par de díes de xelada que se restrinxeron a zones altes de monte.