El Principáu nun detecta nengún exemplar d'aviespón soror nel rastrexu desplegáu en Siero

En primavera instalaráse una rede de trampes qu'algamará les 8.000 hectárees

El Principáu nun detectó nengún exemplar d’aviespón soror nel rastrexu fechu nel conceyu de Siero. Mediu Rural desplegó una rede de 70 trampes especiales en 840 hectárees pertenecientes les más a la parroquia de Granda.

Anque nun apaeció nengún exemplar, la conseyería de Mediu Rural siguirá monitorizando esta zona, na que s’alcontraron cuatro aviespones en 2022 y 2023.

En primavera instalaráse una rede de trampes qu’algamará les 8.000 hectárees. L’aviespón soror ye un gran depredador d’abeyes y otros insectos.