Educación propón que los 28 alumnos de Primaria del Colexu Públicu Virxe de les Marees pasen a la Escuela Infantil Xardín de Cantos

La midida del Principáu busca evitar que nel centru de FP del Deporte sigan estudiando xuntos menores y adultos

La Escuela Infantil Xardín de Cantos de 0 a 3 años vese amenazda pola inclusión nes sos instalaciones de cuasi una trentena d'alumnos de primaria correspondientes al colexu públicu Virxe de les Marees apunta Ana Belén Jiménez, presidenta del AMPA del colexu.

Pa poder llevar alantre esta fusión, los ñácaros van tener que dexar l'aula qu'usen pal pigazu, l’atelier d'arte y l'únicu espaciu que conecta col esterior al traviés d'una terraza destaquen Yarina Sánchez, madre d'un alumnu de la Escuela Infantil Xardín de Cantos d'Avilés; y Mónica Iglesias, integrante del proyectu 'Cohesión de Xardín de Cantos y El Nodo'.

La Escuela Xardín de Cantos ve invidable pa les sos instalaciones acoyer a 30 alumnos de Primaria. Amenorgando yá les sos places de 65 a 55 y teniéndoles toes cubiertes con llista d'espera.

Piden al Principáu y a Barbón que detenga darréu esta reubicación del alumnáu que ta prevista pa xineru de 2025.