El conseyu regulador de la faba premia a los mayores productores de 2022-2023

La producción d'esti añu nun piensa superar les 50 tonelaes, pola lluvia y les plagues

El Conseyu Regulador de Faba Asturiana IXP entregó güei los sos premios a los mayores productores de la collecha del 2022-2023. Abel Fernández, productor d’Arbón, ganó’l premiu a la mayor producción de faba vendida, con daqué más de 10.000 kilos.

En total, certificáronse 150 tonelaes de faba y verdina, la mayor cifra de la historia del conseyu regulador. Una cifra que nada tien que ver cola producción que s’espera algamar esti añu y que nun se piensa superar les 50 tonelaes.

La mala campaña ye por mor de la lluvia y les plagues.