Cuatro premios de la Llotería n'Asturies, más de 600.000 euros

El terceru, dos cuartos y un quintu premiu caen nel Principáu

La suerte llegó a Asturies en forma de dellos premios. Nun foi 'El Gordu', que cayó en Logroño, pero sí'l terceru, dos cuartos y un quintu premiu. Fueron en total daqué más de 600.000 euros. La so llegada vivióse con gran allegría, que recoyimos nesti casu n'Uviéu.

Más de 600.000 euros cayeron nel Principáu d'esti Sortéu Estraordinariu de Navidá. Migayes pa los 113 millones que los asturianos invirtieron.

El sortéu que nos xune xunió más bien poco. El que más esti cuartu, el 77.768, dexó 280.000 euros en décimos de máquina en Xixón, Siero, Tapia, Villaviciosa y Uviéu.

Nel Estancu de la Suerte d'Uviéu escorcharon sidra esplumoso, amás, por dar fortuna a un veceru col 11.840. El tercer premiu del sortéu, que tamién llevó otru afortunáu d'Avilés, dexó un plizcu de 100.000 euros.

Na bendecida Avilés vendióse'l 74.778, unu de los quintos que tamién dexó allegría en Xixón y Uviéu. Un total de 26 décimos que reparten 156.000 euros.

Los cuartos siempres nos dexen bona sensación. Vendiéronse cuatro décimos d'esti 48.020, tres n'Uviéu y unu n'Avilés. Una propina de 80.000 euros.