EDP llogra l'autorización ambiental del proyectu d'hidróxenu anovable de Soto Ribera

L'autorización dexa avanzar nel desenvolvimientu de los primeres 5 MW de capacidá d'electrólisis qu'EDP quier poner en marcha nel allugamientu

EDP completó la tramitación ambiental del proyectu d'hidróxenu anovable de Soto Ribera, 'GH2 Soto', al llograr l'autorización ambiental integrada por parte de la Conseyería de Transición Ecolóxica, Industria y Desenvolvimientu Económicu.

Según informó esti llunes la empresa nun comunicáu, esta autorización dexa avanzar nel desenvolvimientu de los primeros 5 MW de capacidá d'electrólisis qu’EDP quier poner en marcha nel allugamientu.

La compañía, que va invertir más de 20 millones d'euros, va producir 600 tonelaes d'hidróxenu anovable al añu pa distintos usos industriales, lo que va dexar evitar la emisión a l'atmósfera d'aproximadamente 6.000 tonelaes de CO2 al añu.