Webcams
Buscar
La enerxía anovable sedrá una de les principales apuestes de Coxersa nos años vinientes
El consorciu invertirá 10 millones na construcción d'una planta fotovoltaica en 2025
La enerxía anovable sedrán una de les principales apuestes de Coxersa de cara a los años vinientes. En 2025 entamaráse la construcción d’una planta fotovoltaica que s’instalará sobre una fase del vertederu de residuos non peligrosos que yá se clausuró. La inversión necesaria sedrá de 10 millones.
Coxersa tamién plantega la creación d’una novedosa planta pa la fabricación de biocombustible. Nella convertiráse’l barru de les depuradores d’agua residual urbano nun biocarbón, pente medies d’una tecnoloxía denomada carbonización hidrotermal. El proyectu, que costará siete millones, financiaríase colos fondos de Transición Xusta.
Amás, Coxersa destinará un millón pa la creación d’una gasolinera pal repostaxe de los sos vehículos.
El consorciu tamién piensa nuna importante inversión en puntos llimpios y na meyora de les sos instalaciones nes que tamién se construirá una nueva planta pal triaxe de residuos.
