El PP asegura que la compra del aparcamientu del Niemeyer nun beneficia a Avilés

El grupu señala que'l dineru tendría de dedicase a meyorar la programación

El PP aseguró esti xueves que la compra del parking del Centru Niemeyer por parte del Principáu por un montante de 3,2 millones nun va suponer nengún beneficiu p’Avilés, nin pal complexu cultural nin pa los artistes de la ciudá.

La diputada nacional y vocera municipal del PP Avilés, Esther Llamazares, y el diputáu rexonal José Luis Costillas declararon nuna rueda de prensa nel Niemeyer que'l dineru tendría de dedicase a meyorar la programación pa que se convierta de verdá nun centru de referencia y pa que la Conseyería “de los retayos” de Cultura dexe de menguar los fondos pa la protección del Patrimoniu Histórico y Cultural.

Los representantes del PP indicaron que la decisión del Gobiernu del Principáu de gastar 3,2 millones d'euros en mercar el parking del Niemeyer “ye un simple regalu de Reis antemanáu que nun va suponer nengún beneficiu p’Avilés, nin pa la programación del centru nin pal treme cultural de la ciudá”.