Iniciatives empresariales de mozos con talentu

Drone4Student y Atlas Experience, ganadores de los premios TalentUO-Santander

Drone4Student y Atlas Experience son les iniciatives ganadores de los premios TalentUO-Santander d’Emprendimientu 2024, promovíos pola Universidá d'Uviéu.

La fórmula de Drone4Student lleva 10 años funcionando y con bones resultancies. Crearon les “xornaes de drones" y per dos hores a la selmana sofítense pa pensar, construyir, programar y volar drones, esplica Gonzalo García Carro, presidente de Drone4Students, premiu TalentUO a la práctica empresarial.

Drone4Student ganó'l premiu TalentUO a la práctica empresarial. La meyor idea presentáronla dos estudiantes d’ADE: una empresa de viaxes en grupu pa mozos que nun se mueven nes rutes avezaes y cola sostenibilidá y el sofitu a les redes locales como bandera, esplica Oliver Menéndez, cofundador d'Atlas Experience.

Yá fixeron un viaxe de prueba y nunos meses van entamar un segundu test que-yos dexe yá poner en marcha una empresa real en 2025, señala Ignacio José Caamaño, cofundador d'Atlas Experience.

Cada equipu llevó 3.000 euros como premiu al so talentu empresarial.