Trabayadores d'Idonial dirán a la fuelga dempués del refugu al contratu del Principáu

La fuelga llevaráse alantre los díes 10, 13, 15 y 17 de xineru de 2025 nos tres centros d'Avilés, Xixón y Llanera

El Comité d’Empresa de Fundación Idonial dio anuncia esti vienres de la convocatoria d’una fuelga en rempuesta al refugu del patronatu de la fundación a un contratu programa propuestu pol Gobiernu del Principáu que supondría una inversión d’hasta 9 millones d’euros.

La fuelga llevaráse alantre los díes 10, 13, 15 y 17 de xineru de 2025 nos tres centros d’Avilés, Xixón y Llanera.

Según los sindicatos, el contratu refugáu garantizaría la viabilidá económica de los centros, asina como la estabilidá de los puestos de trabayu y el posicionamientu estratéxicu del Centru Tecnolóxicu, dixo’l Comité d’Empresa nuna nota.