El númberu de viaxeros nos trenes de Madrid a Asturies-Galicia aumentó un 64% dende xineru

La medría coincide cola apertura de la Variante y la llegada de los nuevos trenes AVE

El númberu de viaxeros nos trenes de Madrid a Asturies-Galicia aumentó un 64% dende principios d'añu. Foi la mayor medría d'usuarios de Llarga Distancia n'España.

Una medría que coincidió cola apertura de la Variante de Payares y la llegada de los nuevos trenes AVE.

Polo xeneral, el númberu de viaxeros en corredores de Llarga Distancia de toa España, tanto n'Alta Velocidá como en rede convencional, creció un 3% con respecto al añu pasáu.

Adif destaca que'l tráficu ferroviariu creció un 2% nos 11 primeros meses del añu, un total de 188 millones de viaxeros, lo que supera'l récord históricu rexistráu en 2023.