Deporte pa despidir l'añu

Fontes d'Iviernu cunta con cuasi 5 kilómetros esquiables y Valgrande-Payares tien cuasi 4 kilómetros

Casco, guantes, gafes, ropa d’abrigu, los esquís y too preparao pa despidir l’añu na ñeve.

Los asturianos aprovechen el bon tiempu pa dir a les estaciones y practicar los deportes d’iviernu tanto en familia como con amigos apunten Pablo y Favila Baños, vecinos d’Uviéu; y Francisco Montoto, vecín de Mieres.

Unes estaciones que cunten con bona calidá de ñeve a pesar de que faga una selmana que nun cai nin un falopu.

Fontes d’Iviernu cunta con cuasi 5 kilómetros esquiables y un total de siete pistes abiertes, mientres que Valgrande-Payares tien cuasi 4 kilómetros y ocho pistes abiertes.

A pesar d’esa poca cantidá los asturianos zarren l’añu esfrutando de los sos deportes favoritos en llugar tar en casa destaquen Cecilia Juesas, vecina d’Uviéu; y Fran Cabezas, vecín de Valdesotu.

Una manera d’acabar el 2024 y dar la bienvenida al nuevu añu esfrutando de los llugares de monte del Principáu.