L'alcalde de Siero ta confiáu en que Costco va allugase nel conceyu

Asegura nun entender les restricciones a esti tipu de superficies comerciales

L'alcalde de Siero, Ángel García ta confiáu en que Costco va allugase nel conceyu y sobre si tien encaxe na Llei de Proyectos Estratéxicos. L'alcalde cree que sí, pero considera que les directrices comerciales tienen qu'adaptase a les nueves realidaes del sector.

Con respecto al conflictu cola Policía Local asegura que van acatar la sentencia que paraliza'l procesu pa dos places de subinspector y espera que dalgún día esti conflictu qu'empezó en 2019 y qu'atropa denuncies penales acabe. Asegura que nesti tiempu consiguieron normalizar el serviciu policial en Siero.

Nuna entrevista en TPA Noticies Matinal, foi amás preguntáu sobre si se siente cómodu nel so partíu.

A Ángel García quéden-y dos años de mandatu en Siero con mayoría absoluta y diz que nun se plantega una vida política fuera del municipalismu.