L'aplicación MiAstursalud algama los 143.000 usuarios, un 67,2% más que va un añu

En castellano: La aplicación MiAstursalud alcanza los 143.000 usuarios, un 67,2% más que hace un año

Ver la transcripción del vídeo de esta noticia Momento actual

0:00En determinadas patologías y en
0:02determinados servicios, sean los
0:03profesionales los que se puedan,
0:05puedan pedir información o ponerse
0:06en contacto para saber hacerle
0:08un seguimiento al paciente sin
0:10necesidad de volvemos a decir lo
0:11mismo, de contactar con él
0:12telefónicamente o de tener
0:14que tener una cita presencial.
0:16Esa es la parte técnica
0:19de esa de la aplicación.
0:20Ya está, ya está desplegada
0:22y lo que estamos ahora mismo es
0:23trabajando con la dirección
0:24asistencial para
0:26generar los circuitos y los flujos
0:27de trabajo, para ponerla, para
0:29ponerla en marcha.

Crearáse una canal de mensaxería pa la comunicación ente pacientes y profesionales

L’aplicación MiAstursalud, que facilita la comunicación virtual de la ciudadanía colos servicios sanitarios de manera personalizada y segura, algamó los 143.020 usuarios al pieslle de 2024, lo que representa una medría del 67,2% en comparanza col añu anterior.

Amás, el númberu de consultes feches al traviés d’esta ferramienta cuasi se cuadruplicó nel mesmu periodu, al pasar de les 558.825 de 2023 a les 2.117.791 del exerciciu pasáu.

El Serviciu de Salú del Principáu (Sespa) llanzó MiAstursalud n’avientu de 2022 y, dende entós, les prestaciones de l’aplicación fueron medrando, informó l’Executivu asturianu.

De mano, namás se podíen facer xestiones comunes, como la consulta de datos alministrativos, la tramitación de cites n’atención primaria y hospitalaria o la descarga de la fueya de tratamientos prescriptos al traviés de receta electrónica pa presentala na farmacia, ente otres.

A lo llargo del últimu añu reforzáronse los sos servicios, de manera qu’agora ye posible consultar y descargar informes clínicos d’alta hospitalaria, urxencies, consultes esternes, cuidaos d’enfermería y pruebes d’imaxe o informes de llaboratoriu de la rede sanitaria pública.

Otres funciones inxertes son la consulta y descarga de pautes de tratamientos pa pacientes con anticoagulantes orales y l’accesu a información sobre alerxes, vacunes alministraes y refugaes, episodios rexistraos n’atención hospitalaria.

Igualmente, pue consultase la rede de centros del Sespa, con posibilidá de xeolocalización.

Per parte de so, el portal MiAstursalud Profesional, que se punxo en marcha bien llueu, ye un espaciu que dexa la interacción ente profesionales y ciudadanía y facilita los trámites telemáticos.

Nesta primer fase, les persones usuaries puen dirixise a les unidaes alministratives d’atención primaria y hospitalaria pa efectuar trámites como l’anovación de la receta electrónica, el cambéu de domiciliu y/o teléfonu, el cambéu de médicu d’atención primaria, el cambéu o anulación de cites d’atención hospitalaria, y la solicitú de xustificantes d’ingresu hospitalariu o d’asistencia a cites en consultorios y centros de salú.

Próximamente, el personal sanitario podrá facer el seguimientu personalizáu de los sos pacientes.

L’aplicación dexará a los facultativos unviar formularios y afitar plazos pa la so cumplimentación, facilitando’l siguimientu del estáu de salú de cada persona.

Amás, crearáse una canal de mensaxería pa la comunicación ente pacientes y profesionales.