Asturies rexistró 73 accidentes graves y 20 mortales ente xineru y payares de 2024

Asturies rexistró ente xineru y payares 10.925 accidentes llaborales con baxa

Asturies rexistró ente xineru y payares del añu pasáu 10.925 accidentes llaborales con baxa, de los que 73 fueron graves y 20 mortales, según los datos asoleyaos pola Sociedá Asturiana d’Estudios Económicos y Industriales (Sadei).

En rellación al mesmu periodu del exerciciu anterior, la cifra global d’accidentes llaborales con baxa menguó un 2,3 por cientu.

Sicasí, los accidentes graves medraron de los 64 contabilizaos nos once primeros meses de 2023 a los 73 rexistraos nel mesmu periodu del añu pasáu, y los mortales, de 18 a 20.