Denunciaos nuna selmana 76 conductores por alcohol o droga nes carreteres asturianes

Los axentes ficieron 3.912 pruebes d'alcohol y 129 test de control de droga

La Guardia Civil denunció nuna selmana a 76 conductores que fueron sorprendíos al volante baxo los efectos del alcohol o la droga nes carreteres asturianes.

L’Agrupación de Tráficu de la Guardia Civil d’Asturies desendolcó ente los díes 16 y 22 del mes d’avientu pasáu una campaña de vixilancia na que ficieron pruebes a 4.041 conductores, de los que 76 dieron positivo n’alcohol y/o droga, informó esti miércoles la Dirección Xeneral de Tráficu.

En concreto, los axentes ficieron 3.912 pruebes d’alcohol y 129 test de control de droga. Estes pruebes dexaron detectar 43 positivos por alcohol y 33 por droga.