La zona rural de Xixón va tener cámares de seguridá nun plazu de tres meses

Un informe policial va afitar los puntos concretos onde se van allugar les cámares

La zona rural de Xixón va cuntar con cámares de seguridá nun plazu de tres meses. El Conceyu yá robló'l contratu pa la instalación d'estos dispositivos, demandaos dende va años polos vecinos de parroquies como Castiello pa prevenir robos.

Un informe policial va afitar en qué puntos concretos van allugase les cámares. Les grabaciones van llegar al centru de control de la Policía Local.

L'alcaldesa destacó'l trabayu que supunxo tramitar esti espediente pa que les cámares puean instalase con garantíes llegales.