Uviéu aconceyará coles comisiones de fiestes p'abordar los problemes na organización de les fiestes

Valdrá pa tratar de despeyar les duldes de les asociaciones de fiestes

L’Ayuntamientu d’Uviéu aprobó esta mañana en Comisión una propuesta del PP pa la creación d’una mesa de trabayu sobre les fiestes del conceyu.

Valdrá pa tratar de despeyar les duldes de les asociaciones de fiestes y p’ayudales a resolver los problemes na organización de les mesmes. La mesa de trabayu formaránla l’Ayuntamientu colos colectivos encargaos de les fiestes.

La primer xunta sedrá la selmana viniente. El Partido Socialista rexistrare una propuesta asemeyada pero solicitando que na mesa tamién tuvieren presentes asociaciones vecinales y los partíos políticos, daqué que se refugó.