Asturies destina 3,6 millones a proyectos de cooperación al desarrollu

El 10% de la partida acútase p'acciones empobinaes a organizaciones de muyeres

El Gobiernu del Principáu aprobó un gastu de 3.636.260 euros destináu a la convocatoria de subvenciones pa proyectos de cooperación al desarrollu.

La partida d'anguaño, que medra en 223.060 euros al respective de 2024, va dexar impulsar procesos que faciliten l'accesu de la población a los servicios básicos y mengüen desigualdaes en países desfavorecíos, dende un enfoque de derechos y con especial atención a muyeres y neñes, informó l'Executivu.

El 10% de la partida acútase p’acciones empobinaes a organizaciones de muyeres o proyectos col oxetivu esplícitu del so empoderamientu y la meyora nos niveles d’equidá de xéneru.