El Principáu va encargar un estudiu técnicu pa rehabilitar Perlora

El proyectu pa la Ciudá de Vacaciones de Perlora plantega un usu turísticu

La vicepresidenta del Principáu, Gimena Llamedo, esplicó esti xueves que se siguen "dando pasos" pa la reforma del antiguu complexu vacacional de Perlora, que va tener, ente los sos principales usos, el turísticu.

Asina lo señaló nuna visita a la zona, colos conseyeros d'Ordenación de Territoriu y el de Facienda, Ovidio Zapico y Guillermo Peláez, respectivamente, y l'alcalde de Carreño, Ángel García.

Llamedo comentó que la próxima selmana va facese l'encargu del estudiu tecnicu pa poder presentar, enantes del branu, al consistoriu la solicitú del Plan de Reforma Interior (PERI), “un pasu fundamental pa siguir avanzando nel futuru".