Un estudiu apunta que l'adaptación del llobu ibéricu podría debese a xenes de perru

Esta singularidá xenética ye clave pal caltenimientu de la so población

Un estudiu ellaboráu por investigadores d'España y Portugal detectó un bloque d'ADN de perru nel cromosoma 2 del llobu ibéricu, una firma xenética única del animal d'esti territoriu, non vista en nenguna otra población de llobos hasta la fecha, que podría influyir nel comportamientu y l'adaptación de la especie.

El trabayu lideráu pol Centru d'Investigación en Biodiversidá y Recursos Xenéticos de la Universidá de Porto, nel que participaron investigadores del Institutu Mistu d'Investigación en Biodiversidá de la Universidá d'Uviéu y del CSIC apurre nuevos datos sobre la particular adaptación del llobu ibéricu a siguir en paisaxes humanizaos.

El Conseyu Superior d'Investigaciones Científiques n'Asturies señala que los investigadores valoren que la incorporación d'esti bloque d'ADN de perru nel xenoma del llobu ibéricu ye’l resultáu d'un eventu d'hibridación mui antiguu, envaloráu ente 3.000 y 6.000 años.