Los coruxos nivales que llegaron a Asturies y Cantabria en payares de 2021 veníen del Árticu

Nacieron y crecieron en llatitúes ártiques y llegaron al norte d'España sofitándose en dalgún barcu

Los coruxos nivales que llegaron a Asturies y Cantabria en payares de 2021 nun yeren aves cautives, llegaron del Árticu. Asina lo afirma un estudiu espublizáu na revista d'ornitoloxía de Seo Birdlife.

Los investigadores analizaron los isótopos presentes nes plumes d'estes aves y refuguen que fueren criaos en cautividá n'Europa occidental, que s'escaparen de dalgún zoo por exemplu.

L'análisis d'esos isótopos conclúi que nacieron y crecieron en llatitúes ártiques y que llegaren al norte d'España sofitándose en dalgún barcu. Yera la principal hipótesis de los espertos qu'agora confirma esti estudiu.