Femetal sofita la continuidá de María Calvo al frente de FADE

FADE celebrará les sos elecciones el 11 d'abrilviniente a les que se presentarán María Calvo y José Manuel Ferreira

La Federación d’Empresarios del Metal y Afines del Principáu d’Asturies (Femetal) amosó esti xueves el so sofitu a la continuidá de María Calvo como presidenta de la Federación Asturiana d’Empresarios (FADE).

Según informó esti xueves Femetal nun comunicáu, la so xunta directiva adoptó esta decisión "col envís de dexar a María Calvo dar continuidá y potenciar el desendolcu d’acciones entamaes nel so primer mandatu en defensa de los intereses de los empresarios d’Asturies".

FADE celebrará les sos elecciones el 11 d’abrilviniente, un procesu al que yá dieron anuncia de que se presentarán tanto María Calvo como’l vicepresidente primeru de la Cámara de Comerciu d’Uviéu, José Manuel Ferreira.