Normalidá nel tresporte ferroviariu tres desconvocase la fuelga en Renfe y Adif

Óscar Puente agradez a los equipos negociadores el so "bon trabayu y disposición al alcuerdu"  

Los servicios ferroviarios danse esti llunes con normalidá dempués de que los sindicatos desconvocaren la fuelga prevista en Renfe y Adif malapenes cuatro hores enantes del so entamu esta medianueche, una vegada algamáu un alcuerdu col Ministeriu de Tresportes y la Generalitat de Cataluña.

Según indicaron fontes de Renfe, reprogramáronse los trenes que taben previstos primeramente pa güei y nun se rexistren nin retrasos nin incidencies nel serviciu, de manera que la operación dase con normalidá.

Amás, los servicios postventa, por casu’l cambéu de billetes, caltiénse hasta'l xueves. Tamién se fai ensin costu adicional el cambéu de billete pol que se mercara primeramente.

Dende Adif, señalen igualmente que too trescurre esti llunes con normalidá y ensin incidencies.

Tres esti alcuerdu, el ministru de Tresportes y Movilidá Sostenible, Óscar Puente, treslladó en redes sociales la so norabona a los equipos negociadores de toles partes "pol bon trabayu y la disposición al alcuerdu".