El PIB d'Asturies medrará un 2% en 2025, a la cola de la medría n'España

La evolución de la economía asturiana dependerá de la recuperación del sector industrial

El productu interior brutu (PIB) del Principáu de d’Asturies medrará esti añu un 2%, mediu puntu menos que la media nacional, según les previsiones de la firma d’análisis CaixaBank Research.

Según estes estimaciones, la medría económica d’Asturies sedría esti añu la segunda más baxa ente les comunidaes autónomes, namás per delantre d’Estremadura (1,9%) y igualada con Castiella-La Mancha (2%).

L’informe apunta que’l gastu de les families beneficiaráse previsiblemente de la moderación de la inflación y de la mengua de los tipos d’interés, anque matiza que la evolución de la economía dependerá de la recuperación del sector industrial, "que tien un comportamientu arrodiáu d’una alta incertidume ente les tensiones arancelaries".

Al respective, amiesta que "al despegue de la industria y la inversión podría contribuyir un mayor inxerimientu de los fondos europeos".

Según CaixaBank Research, les comunidaes más dinámiques esti añu sedrán Baleares, con una medría del 4%; Les Canaries, con un 3,6%; Murcia, con un 3,5%; Madrid, con un 3,4%, y Cataluña, con un 3,3%.