Entamen los trabayos nel túnel d'El Rañadoiru, en Cangas del Narcea

Fadránse cortes intermitentes mientres duren les obres

Esta mañana entamaron los trabayos nel túnel d’El Rañadoiru, en Cangas del Narcea, pa reponer la llámina d’impermeabilización que cayó’l sábadu y obligó a cortalu’l llunes unes tres hores.

Dende la Conseyería señalen que nun hai nengún problema estructural y que namás ye’l descuelgue puntual de la llámina que recubre l’interior del túnel pa canalizar les filtraciones d’agua.

Pal desendolcu de los trabayos fadrá falta, dende güei y n’horariu llaboral, facer cortes intermitentes, dando pasu alternu nún y otru sen del túnel.