Obres na capiya de La Balesquida pa parar filtraciones y humedá

Los trabayos durarán unes dos selmanes

Yá entamaron les obres na Capiya de La Balesquida d'Uviéu. Los trabayos, que durarán unes dos selmanes, busquen acabar coles filtraciones d'agua del techu y la humedá nes paredes llaterales que medraron dempués del esbarrumbe de los edificios anexos.

Una desprotección que provocare tamién fendidures na escayola de la bóveda. Les obres, financiaes con donaciones y cuotes de los cofrades, busquen l’aisllamientu y impermeabilización de la capiya, que data de 1725, llar de la Virxe de la Esperanza y una de les más visitaes d'Uviéu.