Belarmina Díaz asume la presidencia de Coxersa

Susana Madera va asumir la vicepresidencia del consorciu

La conseyera de Transición Ecolóxica, Industria y Comerciu, Belarmina Díaz, foi escoyida esti xueves presidenta del Consorciu pa la Xestión de Residuos Sólidos d'Asturies (Coxersa) nun conceyu de la xunta de gobiernu de la entidá, na que tán representaos el Principáu y los 78 conceyos.

Díaz va tar acompañada nes sos funciones al mandu de la entidá pola viceconseyera de Mediu Ambiente, Susana Madera, quien va asumir la vicepresidencia del consorciu.

Amás, con esta designación dambes garren la condición de componentes de la comisión delegada, l'órganu executivu onde, amás de l'Alministración autonómica, tán representaos los conceyos d'Uviéu, Xixón y Avilés, como miembros natos, y los de Llaviana, Gozón y Mieres, nomaos pola xunta de gobiernu.