Webcams
Buscar
El BOPA asoleya la obligación de cuarentenes y chequeos del ganáu bovín treshumante
La metá de los animales con tuberculosis bovina d'Asturies son treshumantes
La Conseyería de Mediu Rural d’Asturies detectó que, ente los siete focos detectaos esti añu de tuberculosis bovina, cuasi la metá de los animales ficieren movimientos temporales a Estremadura polo que decidió endurecer el protocolu sanitariu pa los animales treshumantes, qu’a la so vuelta agora tendrán que pasar un aisllamientu de 42 díes.
El Boletín Oficial del Principáu d’Asturies (Bopa) asoleyó esti miércoles la resolución pola que s’afiten midíes d’aisllamientu, cuarentena y chequeos por vuelta de ganáu bovín treshumante viniente d’unidaes veterinaries d’alta prevalencia de tuberculosis d’otres rexones.
La norma recueye que los animales treshumantes, una vegada vuelvan p’Asturies, someteránse a un periodu d’aisllamientu y cuarentena mínimu de 42 díes hasta la fechura de les pruebes post movimientu.
D’esti mou, tarán inmovilizaos hasta algamar resultaos favoratibles, a nun ser que’l so destín directu seya’l mataderu cola autorización previa de los servicios veterinarios oficiales.
