PP y Vox piden a Barbón que faga como Illa y dea un xiru pa baxar la presión fiscal

En castellano: Hacienda anuncia una reforma de la tarifa del IRPF para beneficiar a las rentas más bajas

Reproductor de Vídeo is loading.

Current Time 0:00

Duration 0:00

Loaded: 0%

Stream Type LIVE

Remaining Time 0:00

Ver la transcripción del vídeo de esta noticia Momento actual

0:00Estamos trabajando en una reforma
0:01del IRPF para elevar al
0:03al Gobierno una reforma que en el
0:05marco de la vía fiscal asturiana
0:07concentre todos los beneficios
0:08fiscales en las clases medias y
0:10trabajadoras y por tanto, en la
0:11mayoría social.
0:12Y esta reforma en la que estamos
0:13trabajando incluye también una
0:16modificación de los de los tramos
0:18para, como digo, beneficiar
0:20fiscalmente a la mayoría social, a
0:22las clases medias y trabajadoras, de
0:24acuerdo con la vía fiscal asturiana.

La izquierda defende la política fiscal del Principáu

Partido Popular y Vox amosáronse esti miércoles escontra la política fiscal del Gobiernu d’Adrián Barbón, al que pidieron que tome nota del presidente catalán, el tamién socialista Salvador Illa, pa dar un xiru en materia d’impuestos y qu’Asturies dexe de ser la comunidá que más fai pagar a les rentes más baxes nel impuestu sobre la renta de les persones físiques (IRPF).

Énte l’alcuerdu algamáu ente’l gobiernu catalán y ERC pa rebaxar el tramu autonómicu del IRPF a contribuyentes con ingresos inferiores a 33.000 euros, les dos formaciones aseguraron qu’Asturies pasa agora a liderar la presión fiscal del país que sufren esos contribuyentes.

"Illa baxará los impuestos a los catalanes mientres los asturianos cargaremos cola delda del independentismu", señaló la diputada del PP na Xunta Xeneral del Principáu, Beatriz Polledo, qu’entrugó si nesti casu dende’l Gobiernu de Barbón van falar de 'dumping fiscal' como fai cuando se trata de Madrid.

Polledo alvirtió que la rebaxa plantegada en Cataluña ye prácticamente igual a la que’l PP defendió la selmana pasada nel parllamentu autonómicu y que foi refugada por socialistes, IX-Iniciativa por Asturies y la diputada Covadonga Tomé.

Mientres Illa "copia les midíes del PP" el presidente del Principáu, amestó la parllamentaria popular, "namás s’esmolez de xubir impuestos" y convirtióse "nun moñecu de Pedro Sánchez" que nun se conforma con dar la callada por rempuesta "sinón que ye’l so meyor aplaudidor de midíes que dexen a Asturies na llende".

Na so opinión, Barbón ta cebándose sobre manera colos que menos ganen al negase a baxar los impuestos a los más de los asturianos "a los que la inflación come’l so poder alquisitivu y son cada vegada más probes".

Sicasí, alvirtió que los populares siguirán llevando iniciatives pa deflactar l’IRPF y amenorgar los tipos que s’apliquen a les rentes de menos de 33.000 euros, que son les más.