Echa a andar en Llangréu la primer comunidá enerxética d'Asturies

Una instalación de paneles solares con capacidá pa xenerar más de 35.000 quilovatios per hora al añu

La primer comunidá enerxética d'Asturies, que favoreció la instalación de paneles solares con capacidá pa xenerar más de 35.000 quilovatios per hora al añu, va echar a andar nos próximos díes en Llangréu, una vegada rematen los trámites alministrativos porque la instalación fotovoltaica ta preparada pa la so entrada en funcionamientu.

La conseyera de Transición Ecolóxica, Industria y Comerciu, Belarmina Díaz, asistió esti vienres en Valnalón a la presentación d'esti proyectu d’autoconsumu colectivu que foi impulsáu pola Fundación Asturiana de la Enerxía (Faen), el Conceyu de Llangréu y la empresa pública Vipasa.

Nesta comunidá enerxética, regulada por aciu d’un modelu de collaboración público-privada, participen diez vecinos de dos bloques de viviendes sociales, Vipasa y el Conceyu de Llangréu.