El Conseyu de Gobiernu pasa a celebrase los llunes como midida pa entainar la burocracia

Van tramitase polo tanto más espedientes, sorraya Adrián Barbón

La xunta selmanal del Conseyu de Gobiernu pasa a celebrase los llunes. Hasta agora'l presidente del Principáu y los conseyeros axuntaben los vienres.

Col cambéu, el Principáu busca entainar el funcionamientu de l'alministración, como midida na so guerra a la burocracia.

Según anunció'l presidente Adrián Barbón, el so propósitu ye facilitar que los espedientes lleguen más rápido al conseyu de Gobiernu y que puean cerrase dellos más cada xunta.

Van tramitar polo tanto más espedientes y eso, sorraya, ye lo que repercute na vida de la xente.