El colexu Santa Teresa de Xesús d'Uviéu llanza un mensaxe integrador por mor del Día del Autismu

El centru cunta con una ventena d'alumnos y alumnes con necesidaes especiales

Nel colexu Santa Teresa de Xesús d’Uviéu, tola comunidá educativa quixo poner esti llunes l’acentu nel autismu, al celebrase’l so Día Mundial el 2 d’abril viniente.

Alumnáu, profesoráu y padres y madres participaron nun actu destináu a concienciar sobre les necesidaes de les persones con un trestornu del espectru autista.

El colexu pon especial atención nel inxerimientu del alumnáu que lu tien. Anguaño, cunta con una ventena d’alumnáu con necesidaes especiales, de los que más de la metá tien autismu.

Nesi oxetivu d’atender al alumnáu con necesidaes especiales, el viniente cursu va poner en marcha una innovadora aula multisensorial, destinada a estimular y favorecer el deprendizaxe.