L'Ayuntamientu d'Uviéu asegura que la marquesina de la Fábrica de Gas ye irrecuperable

Cultura pide protexer el patrimoniu fabril

La marquesina de la Fábrica de Gas d’Uviéu ye irrecuperable, asegura Ginkgo, propietaria de los tarrenes y tamién l’Ayuntamientu qu’amiesta, sicasí, que’l fondu inversor tendrá que xustificar l’estáu ruinosu del inmueble enantes de proceder a cualquier actuación.

Asina, respuenden al informe de Cultura que pide protexer el patrimoniu fabril. Una esixencia que llevarán mañana a plenu tolos grupos de la oposición y que comparten vecinos.

Toos piden que’l gobiernu municipal exerza de vixilante y obligue a los propietarios de l’antigua fábrica a cumplir el plan de protección vixente.