Uviéu aprueba camudar el presupuestu 2025 con un creitu de 2,2 millones

El pidimientu sal alantre col sofitu del PP y d'IX

El plenu del Ayuntamientu d’Uviéu aprobó esti martes una modificación presupuestaria pa 2025 col preste a un creitu de 2,2 millones d’euros p’abonar dellos contratos y un conveniu de collaboración col Principáu p’actuaciones nel colexu públicu La Xesta.

La sesión ordinaria del plenu entamó con un minutu de silenciu en recuerdu de los cinco mineros muertos ayeri nel accidente llaboral en Degaña.

Darréu, interrumpióse’l plenu pa que la corporación pudiere averase hasta la Xunta Xeneral del Principáu, onde s’amestó al actu de condolencies convocáu ellí a les 11:30 hores. Dempués reanudóse la sesión.

El pidimientu de creitu pal cambéu presupuestariu salió alantre col sofitu del PP y d’IX, la oposición de Vox y l’abstención del PSOE y de la conceyala non adscrita, Elena Figaredo.

La conceyala d’Economía, Leticia Álvarez, dixo que’l consistoriu uvieín cumple "dafechu" cola llei, y amestó que cunta con más de 20 millones d’euros pa "cubrir imprevistos".