'El Araña' va responder énte un tribunal popular pol asesinatu del médicu Francisco Crego

La Fiscalía pide pal acusáu 30 años de prisión y la prohibición de vivir en Grau y Uviéu

'El Araña' respuende a partir de mañana énte un tribunal popular pol asesinatu del médicu Francisco Crego en 2016. La Fiscalía pide pa él 30 años de prisión, 25 por asesinatu y cinco por robu con violencia.

Daniel Jiménez mató presuntamente al doctor el mediudía del 28 d'agostu pa quita-y los 80 euros que llevaba na cartera. Pegó-y de contino cola puerta del so coche y fízo-y múltiples mancadures con un cuchiellu. Una, nel pescuezu, de más de 24 centímetros, mortal de necesidá.

El Ministeriu Fiscal pide que se-y imponga al acusáu la prohibición de dir o vivir en Grau, onde foi l'asesinatu y n'Uviéu, onde viven les dos fíes de la víctima. A una d'elles, cola que convivía Crego, pide que se-y indemnice con 37.500 euros y a la otra con 25.000.

Les vistes van facese na sección tercera de l'Audiencia Provincial y van allargase hasta'l vienres.