'La Cai l'Agua' rinde homenaxe a la fotógrafa republicana asturiana Benjamina Miyar

El film foi premiáu nel FICX 2019

'La Cai l'Agua' de Coráu da títulu al primer trabayu cinematográficu de Celia Viada, un documental creativu que quier recuperar y dar visibilidá a la figura de la fotógrafa Benjamina Miyar, que tuvo'l so estudiu fotográficu nesta cai coraína. Esta muyer, reloxera amás de fotógrafa, yera una figura poco conocida y qu'encaxaba no que Celia buscaba pa la so película.

Al traviés d'una narración n'off, nel so llargumetraxe Celia Viada entabla una conversación con Benjamina Miyar, al traviés de les sos propies fotografíes.

El premiu OpenECAM Work In Progress del Festival Internacional de Cine de Xixón supón un sofitu al proyectu nel qu'esta nueva directora lleva tiempu trabayando.

Los mesmos vecinos de Coráu tamién apaecen nel film. Ye'l casu de Pepa Vega que vive na mesma casa na que vivió y trabayó Benjamina a la que conoció.

Munches de les fotografíes de Benjamina perdiéronse. Pero con 'La Cai l' Agua', Celia Viada va treslladar les que se caltienen, y que pudo conocer en Coráu, hasta l'actualidá.