'Axuntar' pide al Principáu que la fala propia del occidente seya 'gallego de Asturias'
!['Axuntar' pide Principado que el habla propia del occidente se llame 'gallego de Asturias'](https://www.rtpa.es/fotos//22/10/20221008140622_RTPA2637890.jpg)
L'asociación presenta un informe con documentos antiguos
L’asociación 'Axuntar' asegura que la realidá plurillingüe d’Asturies dexa la convivencia del castellanu coles llingües 'asturiana y gallega'.
'Axuntar' presentó güei un informe nel qu’argumenta que la fala de la parte más occidental d’Asturies ye 'gallego' y non 'fala' o 'Eo naviego'. Sofítenlo con documentos que yá antiguamente se referíen a esta situación, dalgunos yá nel añu 1162.
Lo primero que piden ye que’l Principáu faga esta reconocencia: que nesta zona lo que se fala ye’l gallegu d’Asturies. Aseguren qu’Asturies ta nun momentu decisivu pa dar la oficialidá a les dos llingües, el gallegu y l’asturianu.
Postures que choquen frontalmente colos argumentos que dende va años defenden dar
cada vegada más relevancia a la denomación de la' fala' como variante nel occidente. Inclusive, nestos momentos, ta desendolcándose un diccionariu que s’asoleyará mui pronto.