La Fonte’l Güevu, un manantial d’agua sulfuroso en Lada

Lada abre l’agua de la fonte pa La Flor
Algamó qu’un burru coxu caminare bien o qu’una moza ayerana cuasi ciega recuperare la vista. Son dalgunes de les lleendes que cuntan cómo l’agua sulfuroso de la La Fonte’l Güevu yera milagroso. Verdá o non, les sos propiedaes curatives ficieron que l’Ayuntamientu de Llangréu punxere en marcha’l balnearu Ablanedo en 1887.
Armando Palacio Valdés, Menéndez Pidal y hasta Xovellanos dicen filosofar na contornada. El balneariu convirtióse nuna xunta de personaxes ilustres y negocios de tolos ámbitos, y ye que la llegada de visitantes yera d’ente les 200 y 500 persones nel branu.
La Primer Guerra Mundial, la revolución d’ochobre del 34 y la Guerra Civil provoquen que Lada pierda visitantes y el so balneariu. Sicasí, lo que sí se caltienen son les coles de vecinos nos 22 peldaños de les sos escaleres pa recoyer l’agua d’esti afluente d’El Ríu Montañés.
Nos años 80, col consumu d’agua embotellao les aglomeraciones desapaecieron. A pesar d’ello, cada mayu, los vecinos xúntense en La Fonte’l Güevu pa dar entamu a les fiestes de la Flor cola apertura del agua. Momentu nel que beben como marca la tradición: evitando’l so golor, el que fai alusión al so nome.
Un llugar que pasa desapercibíu anguaño, pero que la prensa de finales del sieglu XIX llegó a calificar como manantial de salú del universu.