Cuaña pieslla l'aparcaderu d'autocaravanes d'Ortigueira

Les caravanes podrán aparcar en Xarrio, una zona con vistes menos afortunaes

Les autocaravanes nun podrán esfrutar, polo menos enagora, de les vistes n'Ortigueira. L'aparcaderu que l'ayuntamientu de Cuaña habilitare va unos años pa esti fin yá nun ta habilitáu porque'l consistoriu nun pue garantizar la distancia de seguridá ente elles. Tendrán qu'aparcar nel aparcaderu de Xarrio, asitiáu a daqué más de dos kilómetros.

El turismu de caravana medró nos últimos años, lo que llevó a los ayuntamientos a disponer de aparcamientos pa que puean aparcar y contar, amás, con tolos servicios. Sicasí, esti branu prima la situación sanitaria.

En total son cinco places que se pierden n'Ortigueira, y anque hai'l doble disponibles mui cerca, sedrá con vistes menos afortunaes.