142 palistes participen nel 30 Descensu del Seya Adaptáu

En castellano: Un total de 142 palistas participan en el 30.º Descenso del Sella Adaptado

142 palistas participan en el 30.ª Descenso del Sella Adaptado

La prueba namás tien calter deportivu nos sos cinco kilómetros finales

A menos d'una selmana yá de la Fiesta de les Piragües, fízose'l descensu del Seya adaptáu. Participaron 142 palistes, de los que 56 son persones discapacitaes. La prueba, que cumple 30 ediciones, namás tien calter deportivu nos sos cinco kilómetros finales.

La gaita y el tambor ponen la banda sonora al Descensu del Seya Adaptáu qu'anguaño algama la so edicion númberu 30. En recoyendo les sos credenciales, los participantes diríxense a la parte de salida, esta rampla pela que les canoes lleguen al ríu d'una nuna. Ente les veteranes, Irene Villa, qu’algamó'l premiu Valores del Seya.

Tampoco falten persones qu'encaren per primer vegada esti peculiar descensu del Seya, como Carmen Bejarano, que llega dende Madrid.

Otros avezaos son los piragüistes voluntarios del Atenéu Obreru de Villaviciosa que comparten les canoes coles persones discapacitaes, como José Luis Fernández, delegáu de la sección de piragüismu del Atenéu.

Otru elementu fundamental en tol percorríu ye l'operativu de seguridá, integráu por 70 persones, ente bomberos del Serviciu d'Emerxencies del Principáu d'Asturies y voluntarios de siete agrupaciones locales de Protección Civil repartíos per hasta 14 puntos distintos del ríu.

Comparte