ALSA ufierta 150 beques de baldre pa ser conductora d'autobús

La compañía ufiertará contratu indefiníu na empresa, una vegada superáu'l procesu

ALSA ufierta 150 beques de formación de baldre pa ser conductora d’autobús profesional. Una vegada superáu’l procesu, la compañía ufiertará contratu indefiníu na empresa.

El cursu daráse en 10 rexones, ente elles Asturies.

Estos cursos tienen una duración d’unos dos meses y fadránse ente mayu y setiembre. Una vegada acabáu algamaráse’l carné D y el certificáu d’aptitú profesional.