Activáu'l plan anticontaminación en Xixón​

El protocolu por contaminación del aire sigue activu per tercer día n'Uviéu

Primer xornada en nivel 1 de riesgu por mala calidá atmosférica al oeste de Xixón y con ella delles fueron les imáxenes que describen l’activación del protocolu por contaminación del conceyu.

El serviciu d’hixene urbana d’Emulsa reforzó con un segundu camión cuba’l baldéu de les principales aveníes de la zona. Tranquilidá nes cais, eso sí, menos transitaes que cualquier otru día. Recomiéndase evitar la esposición.

Hai controles nes principales carreteres y víes d’accesu, un dispositivu especial de refuerzu na ciudá pa garantizar la prohibición de pasu pa camiones de graneles y la restricción xeneral de rebaxar la circulación de 120 a 90 kilómetros per hora na zona afectada.

El Principáu caltién activu per tercer día siguíu’l protocolu d’actuación énte episodios de contaminación del aire nel so nivel preventivu na zona d’Uviéu al siguir niveles altos de partícules en suspensión na atmósfera y condiciones desfavoratibles de ventilación.