Adif axudica la redacción de los proyectos de construcción de les estaciones del metrotrén de Xixón

El presupuestu pa les paraes d’El Bibio, Viesques y La Plaza Europa algama los dos millones d’euros

Adif axudica la redacción de los proyectos de construcción de les estaciones del metrotrén de Xixón: El Bibio, Viesques y La Plaza Europa.

Con un presupuestu total de dos millones d’euros, los proyectos van definir cómo sedrán los accesos pa viaxeros dende superficie, los andenes y los demás elementos propios d’una estación soterraña.

El Bibio y Viesques tarán asitiaes a unos 20 metros de profundidá y con andenes de 120 metros de llargu.

La UTE formada por Geocontrol y 'Túneles y Geomecánica' encargaránse de la redacción del proyectu.

Per parte de so, el contratu de la estación de La Plaza Europa foi axudicáu a la empresa Saitec.