Webcams
Buscar
Avería del colector de saniamientu ente los conceyos de Cangues d'Onís y Parres
Les últimes crecíes del Seya provocaron el frayatu del colector del saniamientu al so pasu pel llugar cangués de Les Roces.
L'avería ta provocando malos golores na zona afectada polos vertíos d'agua fecal al Seya dende va delles selmanes.
Los pescadores de la Sociedá de Pesca El Esmerillón amosáronse esmolecíos pol estáu de suciedá d'esti ríu salmoneru.
Amás, el diputáu na Xunta Xeneral del Principáu, Pedro Leal, tamién reclamó la reconstrucción del colector con calter urxente nel parlamentu asturianu.
Los pescadores temen que'l frayatu del colector per onde pasa l'agua fecal de tola cuenca alta de Cangues d'Onís, puea causar daños a la fauna del Seya en plena temporada del desgüeve de les truches y salmones.
El Principáu, pela so parte, yá ta ellaborando un contratu con calter d'emerxencia y pidiendo los permisos necesarios pa encarar l'arreglu d'esta avería lo primero que se puea.
