Águeda Gabarri, la vendedora más veterana del mercáu de Grau

La so hestoria ye la d'una muyer carismática y una trabayadora incansable

La so llabia y la so gracia vendiendo son cuasi tan populares como'l mercáu de Grau. Águeda Gabarri, a la que toos conocen como Rosi, vende calzáu y ropa tolos miércoles y domingos, dende fai 48 años.

La so hestoria ye la d'una muyer carismática, trabayadora incansable, a la que-y gusta el so oficiu y, sobre manera, el tratu cola xente. Conoz de pe a pa los gustos de la so vecería y nel so puestu siempres hai choyos. Entá asina, el recatiar ta a la orde del día.

La fidelidá de los sos veceros ayúdala a pasar, más o menos, los males de los últimos años nesti negociu: el descensu de ventes y les remortines de la pandemia. Frente a l'adversidá, el so sentíu del humor, inclusive pa cuntar anécdotes.

Con 72 años, Águeda nun piensa en xubilase, anque baxó'l ritmu de trabayu, de siete a cuatro díes a la selmana. Amás, d'a los de Grau, va a los mercaos de Pravia y Lluanco.