Alcuerdu ente la Conseyería d’Industria y el comité d’empresa d’Itvasa

Desconvocada la fuelga

L’asamblea de trabayadores de la empresa pública Itvasa, formada por unos 250 trabayadores, aprobó güei l’acuerdu algamáu ente los sindicatos y la Conseyería d’Industria p’afrontar l’atascu na inspección de vehículos provocada pola pandemia, lo que dexará desconvocar la fuelga indefinida qu’entamó’l xueves pasáu.

Según informó’l Gobiernu, l’alcuerdu contempla l’abonu de les hores diaries correspondientes a l’ampliación d’horariu de llunes a vienres como estres hasta un máximu de 80 hores por trabayador nesti añu y caltener l’ampliación del horariu d’apertura de les nueves estaciones asturianes de 6 a 23 hores.

Amás, prevé la medría de la plantiya na midida y nos plazos en que la normativa estatal dexe al nun ser una competencia autonómica y analizar la viabilidá de reanudar l’atención ensin cita previa, el solapamientu de turnos y les midíes que supongan una meyora del serviciu compatibles coles midíes hixéniques y sanitaries derivaes de la pandemia.